Jisne Saadhe Raghuwar Ke,
Saare Kaam Hai,
Jiski Har Saans Pe,
Keval Ram Ka Naam,
Jo Ram Deewana,
Kahlata Sare Aam Hai,
Woh Hanuman Hai,
Woh Hanuman Hai॥
Jo Saat Samundar Langhe,
Aur Pal Mein Lanka Jalaaye,
Jo Apne Is Bal Ko Bhi,
Bas Ram Kripa Batlaaye,
Jiske Man Mein Na,
Kan Bhar Bhi Abhiman Hai,
Woh Hanuman Hai,
Woh Hanuman Hai॥
Woh Ram Jo Jag Ka Daatā,
Jis Ram Se Duniya Saari,
Jisne Kitno Ki Naiya,
Bhav Sagar Paar Utari,
Us Ram Pe Bhi Jis,
Sevak Ka Ahshaan Hai,
Woh Hanuman Hai,
Woh Hanuman Hai॥
Jo Jeet Sake Hari Man Ko,
Woh Teer Nahi Tarkash Mein,
'Sonu' Hanuman Sikhate,
Bhagwan Bhagat Ke Vash Mein,
Jiske Sumiran Se,
Mil Jaate Prabhu Ram Hai,
Woh Hanuman Hai,
Woh Hanuman Hai॥
Jisne Saadhe Raghuwar Ke,
Saare Kaam Hai,
Jiski Har Saans Pe,
Keval Ram Ka Naam,
Jo Ram Deewana,
Kahlata Sare Aam Hai,
Woh Hanuman Hai,
Woh Hanuman Hai॥
Read the full lyrics of O Mohan Aavo To Sahi – a soulful Meera Bai bhajan sung by Pooja Sakhi with music by Bijender Chauhan. Devotional, traditional, and touching.
Download and get Bkakti Ka Mahasangam !
